JARDUERAK - CIN - Urbasa/Andia

Paseo autogidatuak oinez

Parkearen paraje berezi eta ederrenak eta Urbasa eta Andiaren erabilera tradizionalak ezagutzeko aukera ematen duten hiru ibilbide daude:

Iturrien ibilbidea: bide zirkular bat da; interpretazio eremuan hasten da, eta 4,5 kilometro zeharkatzen ditu, horien artean zenbait iturri eta historiaurreko aztarnategi. Urak lurzoru karstikoan duen eraginean zentratzen da.

Artzainen ibilbidea: 7,6 kilometro ditu: interpretazio zentroan hasi eta Severinoren Bordan bukatzen da. Bide erraza da; zati handiena altxonbidean barnakoa da, eta oihan eta soilguneak zeharkatzen ditu, Urbasaren abeltzaintzarako erabilerei erreparatuta.

Mendizaleen ibilbidea: 3,8 kilometro ditu eta interpretazio zentroan hasten da: mendilerroaren iparraldeko malkarrera heltzen da, eta bertan Sakanaren, Aralar mendilerroaren eta Aizkorri mendigunearen bista ikusgarriak daude. Ibilbideak zailtasun ertaina du, eta gatzaren bide zaharretik igarotzen da: garai batean Jaizko gatzagetatik gatza garraiatzeko erabiltzen zen.

.

Bisita begiratokietara

Inguruko bailaren gainean daudenez, Urbasa eta Andia mendilerroek ingurunearen bista ederrak dituzte. Ez galdu aukera Ubabara (Pilatosen balkoia ere deitzen zaio) hurbiltzeko, Urederrako iturburuaren goiko zatian (sarrera NA-718 errepidetik), edo Lizarragako begiratokira (sarrera N-120 errepidetik) eta Urbasako jauregiaren ondoko mahai panoramikora (sarrera NA-718 errepidetik).